Shaestin a Feyness

by James Sinclair

Beady een, black pearls
surveyed aa afore dem
empty as far as da ee wid reck.

Trowe hiecht o simmer inta hairst,
we most o sailed a million miles
fae da Southermost point o Prins Christiansund.
Dan up da coast fae da fjiords o Sisimiut
ta Nuuk an on ta da far Nort o Narsaq
an da laand o da skraelin.

Wird fae da sudert, wis dat fock wir haerd
o groups o fish wirkin dir wey  aroond da coast.
Da skraelin held his tongue. He wis keeping stuum.
We sowt da baess here, dere an aa wey -
ta da Aestard o first Devon dan Baffin island
Runnin wi da trade winds, we shaested mirlin tides.
Een stared oot da craa’s nest fur ony late wird
in  ivery voe an geo, a spoot o wind, da swirl
o fin an tail. Hit med you winder dat dey’d
laerned ta braeth under da waater
Ur wis hit a fact dat da last graet Nordert whaal
lay packit in barrels itil da howld o da Diana.