Marbhrann do Bhàrd

by Deborah Moffatt

Mar dhuilleagan seargte as t-fhoghar
sgaoilte thar na faiche,
tha na faclan uile agam nan laighe
sgapte thar an làir,
faclan caithte, crìonte, gun adhbhar, gun fhìu

Agus mar sheann àradh le rongan briste,
tha uidheaman mo cheàird –    
meataforan is ìomhaighean is briathrachas –
air an càrnadh suas
ri taobh a’ bhalla, gun fheum, salach le dust

Agus mar chuileig-bhig
glacte ann an lìon an damhain-allaidh,
tha mise air mo ribeadh
anns na sreathan cearbach ’s na faclan caillte  
de mo mharbhrann fhìn.