Deep Close

Eftir Yang Mu

by Colin Bramwell

Time wiss I micht
huv tried tae impone logic

oan the tarmac
o this playgrund

its hopscotch lines
drawn fain in chalk.

Insteid, I think oan ye here—
in the deep close o munelicht—

whaur the singer arrives at the indraucht
an water sinks intae itsel.

Needless, noo, tae memorise your name.
We are amang the bairnies again

an the schoolbell is jowin,
cryin us. In.